Lawngtlai, February 27, 2023 : Lai Women Association, Gen. Hqrs; Lawngtlai chuan Pu R. Lalzirliana tawngkam chu Lai hnam hmusitna uchuak tak niin kan hria, an ti.
LWA in vawiina thuchhuah an siamah, "Pu R. Lalzirliana, Minister, District Council & Minority Affairs Department changtuin tun tum, Mizoram Legislative Assembly, Tahrik ni 23rd February, 2023 a Sixth Schedule Amendment a sawi chhuahnaa, a tawngkam, "Lem kan va der ve mai mai a, an ni ho lah hian an lo awi ve em em a, a ho tak tak ania" tia a chhakchhuah hi keini LWA chuan ADC mipuite hmusitna leh Lai hnam hmusitna uchhuak tak niin kan hria a, Lai hnam pumpui, LWA chauh ni lo, a te ber atanga a lian ber thlengin kan rilru a na em em a ni" an ti.
LWA chuan Pu R. Lalzirliana chu ADC enkawl tlaka an ngaih loh thu a sawi a, ADC area-a mipuite, Lai hnam te hmusittu leh hmuhsitna tawngkam chu a na an tih thu leh an dem takzet thu an sawi a. Tun hnuah hetiang inhmuhsitna tawngkam hi awm tawh lo se an duh thu an sawi.
Post a Comment