February 27, 2023 (Rauthla) : Pu M Laikaw, MADC CEM chuan "2023 MLA General Election lo awm turah Siaha District aṭang hian BJP MLA neih ve ve kan tum a ni" a ti.
BJP Mizoram Headquarters-in vawiina BJP State Office, Atal Bhawan Mipui Runa Monday Political Session an buatsaihah, Pu M Laikaw chuan, "MADC ah Coalition Sorkarna siam thei mai tura kan inrin laiin, Pathian remruat zawkin vawiinah chuan Party malin BJP chuan ngelnghet takin MADC ah Sorkarna kan siam thei ta thung a ni. BJP chuan Sorkarna kan neih ve leh a, kan thutlukna chu 'Good Governance' a taka lantir hi a ni a, tunah pawh chutiang a nihna turin BJP chuan hma kan la ta a, CEM ka nih angin CEM in Motor pali (4)an lo kawl ṭhin chu pahnih ah ti hniamin, Pakhat chu a ṭul apianga hman turin kan dah nghal a, a theih ang angin inrenchem a, mipui tana Sorkar ṭha din hi kan tum ber a ni a. BJP Sorkar aṭangin New Maraland din turin hma kan la a ni," a ti.
Pu Laikaw chuan, "Mizoram-a Minority Affairs changtu Minister in ADC chungchang an hrechiang lo hi a mak hle a, hei mai bakah Minority chungchang hmuhsit tak leh zahpah nei miah lova a sawi hi a mak hle a ni. Hei vang hian ADC huam chhung MADC, LADC leh CADC ah te chuan ADC hrelo leh Minority te min hmusit êm êm tu te hi kan hnawl vek tawhin a rinawm a, thenawm State ADC nei dang pathum Assam, Tripura Meghalaya te chuan 6th Schedule Amendment chungchangah ṭha taka Comments an pek lai a, Mizoram CM Pu Zoramthanga chiahin 6th Schedule Amendment chungchanga Negative Comments a zuk pe hi a mak kan tiin, ADC te min rahbeh hi an tum a ni tih a chiang hle a ni" a ti a.
Post a Comment