MSU President Pu Samuel Zoramthanpuia chuan UNHCR Chief of Commission Pu Oscar Mundia hnenah Mizorama raltlante dinhmun leh an harsatnate a thlen a. Mizorama raltlante harsatna awlsam zawka sutkian a nih theih nan leh hna chak zawka thawh a nih theih nan North-East India-a UNHCR Office siam a pawimawh thu te, India rama raltlante’n ram dang an chhuahsan theihna tur Exit Permission an neih theih nan te, raltlante’n UN Registration Card an neih theih nana interview siamsak a ṭul thu te a thlen a. Mizote chuan ‘sem sem dam dam, ei bil thi thi’ kan nunpui avangin kan unaute kan chhawmdawlna kawngah a thlengtu inpui kan ṭâm ṭêp tawh avangin United Nations chu a rawn inrawlh vat a ṭul thu thlenin hemi chungchanga ṭanpuina tur Project-Kulva theh luh nghal a ni bawk.
UNHCR Chief of Mission Oscar Mundia chuan MSU hruaitute chu anni pawh mikhual an nih ve tho avangin India ngaih dan anga chet a ṭul thu a hrilh a. Harsatna hrang hrangte sut kian a nih theih dan tur ama kut aṭanga chin fel theih chu rawn tih ngei a tum thu leh MSU-in Mizorama UNHCR ngei kal tura a ngenna chu tihhlawhtlinsak a tum thu a sawi.
Post a Comment