Aizawl Feb 7, 2023 : Govt. Hrangbana College zirlaite chuan professor dahngheh/sawn avanga harsatna an tawh chungchangah sorkarin an duh anga hma a lak loh vangin sit-in demonstration an nei.
Hrangbana College Students' Union chuan thuchhuah an siamah professor dahngheh/sawn avanga harsatna an tawh chu vawi eng emaw zat sorkar thuneitute hnenah an thlen tawh tih tarlangin, an hun tiam chin thlenga an mamawh an chhanna leh inbiakna hlawhtling an la neih loh vangin nawrh an huaihawt ta tih an tarlang a ni.
Thuchhuah an siamah chuan an college-ah zitirtu indaih lohna a nasa hle tih leh, professor chhuak turte attach-a an college-a dah tura sorkar hnena rawtna an thlen chu chhanna engmah an la hmuh loh thu an tarlang bawk a ni.
An college bul kawngpuia nawrh an huaihawt hi tukin zing dar 9:30 atang khan an tan a, tiam chin awm loin nawrh chu an huaihawt tih an tarlang bawk.
Post a Comment