Arsenal manager Mikel Arteta chuan transfer deadline day-a Chelsea atanga an lak luh Jorginho chu tluang taka an tawhpui theih a beisei.
Brighton player Moises Caicedo laka an hlawhchham tak avangin Arsenal chuan Jorginho lamah hian an mit an len a, kum 31 mi tan hian £12m bawr vel an seng a ni.
He transfer hi Arsenal tum lawk a ni lem lo a, season tawp lama Mohamed Elneny inhliam vanga player la lut lo thei lo an nih thu Arteta chuan a sawi. "Remchan lohna avangin tun season-ah hian kan insiam rem a ngai a, Mo inhliam vangin a dinhmuna ding tur player kan mamawh a ni.
"Jorginho hi player tha tak a ni a, a hna pawh a tlin hle ang. A fing a, a nungchang a thain leadership skill a nei tha, kan khelh dan a man bawk. Ka beisei a phak khawp mai. "Tunah chuan a hun leh hmuna zirin kan insiamrem a ngai a, squad kan thuam that a ngai,"tiin Arteta chuan a sawi.
Jorginho an lak luh bakah hian Arsenal chuan tlai khaw hnuah player thlah liam an nei nual a. Midfielder Albert Sambi Lokonga, right-back Cedric Soares leh winger Marquinhos-te chu loan vekin Crystal Palace, Fulham leh Norwich-ah an tir liam.
"Level sang tak player dang 3 kan thlah liam takah chuan hmasawnna tur kan nei. Sambi hian insiam rem turin hun a deuh a, club tha tak kan hmu bawkin ka hria.
"Marquinhos-a tan pawh hian enchhinna tha tak a ni dawn. Cedric kaltir pawh a harsa khawp mai, mahse a khelh duhna kan zahsak a ngai,"tiin an thlah liam takte chungchang Arteta chuan a sawi a ni.
Post a Comment