MSU CHUAN FMGE&W TEN SAWRKAR HNATHAWK PENSION KUM TIHSAN AN TUMNA CHU THA A TI LO

 Mizo Students' Union (MSU) General Headquarters, Aizawl chuan vawiin ni 03 February, 2023, chawhnu dar 1:00 khan MSU Pisa Pui, President Chamber-ah Extended OB Meeting a nei a, He hun hi Pu Laldinsanga, Vice President chuan a kaihruai a ni.
  FMGE&W in an General Conference -a an lo rel tawh Mizoram Sawrkar hnathawkte retiring age kum 60 atanga kum 62 a tihsan tura sawrkar a an dilna chu ram leh hnam, sum dinhmun te thlirin leh zirlai thalai hna hmuhna kawng thui taka a dan thin avangin, MSU chuan retiring age kum 62 a tihsan hi tha a ti lo hle a, MSU chuan kan ram dinhmun thlir chungin a dodalna Mizoram sawrkarah thlen nise tiin a rel.
 Mizoram sawrkar in sawrkar College hrang hranga Under Graduate leh Post Graduate a course thar a hawnah te zirturtu dah a ni em tih leh zirtirtu an indaih em tih zirchianna neih nise tiin a rel bawk a ni.
    Govt. Champhai College a Commerce building RUSA hnuaia sak mek, kum 2019 a sak tan tawh, a sakna tur sum awmsa vawiin thlenga sak zawh a la ni lo chu MSU chuan pawi a tihle a, he hna khawihtu company te leh sawkar chu a ranglama hna thawh zawh loh awm te thawk zo thuai turin MSU chuan a phut a, he hna thawh mek Govt. Champhai College a Commerce subject building sak mek hi MSU chuan a thlithlai reng dawn a ni.

Sd/-
(LALRAMHLUNA FANAI)
General Secretary

Post a Comment

Powered by Blogger.