STUDENTS’ UNION

GOV’T HRANGBANA COLLEGE
AIZAWL – 796007 : MIZORAM
PRESS RELEASE
(Dated Aizawl, the 3rd February, 2023)
Gov’t Hrangbana College Students’ Union Leaders te chuan College faculty regularization chungchangah vawi eng emaw zat sawrkar thuneitute kan hmu tawh a, kan mamawh chhanna leh inbiakna hlawhtling vawiin ni thleng a kan hmu lo hi lungawi har kan ti hle.
Gov’t Hrangbana College-ah hian zirlai 2234 awmin zirtirtu 68 an awm a, amaherawhchu Asst. Professor(Contract) Regularization (Dated Aizawl, the 27th Jan, 2023 -No.A.41017/1/2023-HTE(Reg.) avangin zirtirtu 6 sawn chhuah tur a tih an ni a, post ruak hnawhkhat turin zirtirtu 3 chiah rawn dah tura tih a ni. Tun dinhmunah hian Subject then khatah February thla a Professor Superannuation Pension tur pahnih an awm a, kuminah hian Professor pension tur eng emaw zat an awm bawk a ni. Mizoram sawrkar hnuaia college zirlai tam berah hian class lak hleih theihloh khawpin Professor kan indaih lo hle lai a ngaihsak kan hlawh lo hi a pawi kan ti takzet a ni.
Dated 2nd February, 2023, No. B. 11013/1/2016-DTE (HTE), Higher and Technical-in College hrang hrangte dilna chungchanga an thu chhuah hi thu tlingah kan ngai lova, sawn an nih hmaa college tin te mamawh mumal taka enfiahna(Inspection) sawrkarin a neilo hi a pawi kan ti tak zet a. Kan college-in hnathawktu a mamawh dan zirchiang hmasa lo leh posting thar te hmun ruak awh tur replacement hi a rang lama min hnawhkhah sak turin kan sawrkar hi kan phut a ni.
Heng kan thil phut hi karleh thawhtanni 6th February, 2023 ral hma ngei a chhanna kan hmu lo anih chuan tiam chin awm lo a lungawi lohna lantir a ni ang.
Sd/-
(VANLALBEISEIA)
General Secretary
Students’ Union
Govt. Hrangbana College

Post a Comment

Powered by Blogger.