Champhai District Volleyball Association buatsaih Mimi Lalrammawii Memorial Volleyball Tournament chu vawiin khan khelh zawh niin Mipaah Kanan Sporting Club leh Hmeichhiaah Zokhawthar an Champion
Vawiin hmeichhe final inkhel hmuhnawm takah Zokhawtharin 3-2 in Zotlang an hneh a, Zotlang hian Ist Set 25-23 in an la hmasa a, Zokhawthar-in Set hnihna 25-16 leh Set thumna 25-14 in awlsam takin la mah se, Zotlangin Set Li-na 25-17 in an la ve leh a; Deciding set-ah Zokhawthar hian 15-10 a hnehna changin an champion ta a ni.
Mipa Final-ah Kanan Sporting Club leh S&S Volleyball Club an inkhel a; Kanan hian Set khatna 25-13 in awlsam takin an la a, 2nd hnihnaah S&S lam rawn insiam rem mah se, Kanan game tha kaltluang lai an ti tawp thei lova, Kanan hian 25-23 in Set hnihna an la a, Set 3-na inkhel inhneh tawk takah Kanan hian 25-21 a set lain Set hloh nei lovin 3-0 a hnehna changin an champion ta a ni.
Mipa Champion Team Kanan Sporing Club hian Trophy leh Tangka fai Cheng 15,000 an dawng a, pahnihna S&S Volleyball Club-in Trophy leh Tangkai fai cheng 10,000 an dawng ve bawk a, Hmeichhe Champion Zokhawthar hian Trophy leh Tangka fai cheng 10,000 an dawng a, Pahnihna Zotlang -in Trophy leh Tangka fai cheng 7,000 an dawng bawk.
Mipa Best Spiker-ah Malsawmtluanga Kanan thlan a ni a, Best Setter-ah Lallawmkima Kanan thlan ni bawk. Hmeichhia Best Sipker-ah Sarah Suiengmawii Zokhawthar thlan a ni a, Best Setter-ah Lalhlupuii Zokhawthar te thlan an ni bawk.
Reporter : Jacob Khawlhring
Post a Comment