February 11, 2023 (Rauthla) : Barcelona midfielder Franck Kessie chuan kumin January thlasik transfer khan Tottenham sawmna a hnar tih a sawi.

Cote d'Ivoire midfielder hian nikum nipui khan Barcelona hi a zawm a, a duh angin inkhelhna hmun erawh a chang tam lo. Tun season-ah Bracelona tan vawi 7 chiah a start a, heti chung hian goal 2 leh assist vawi 3 chu a thawkchhuak tho. Hei hi remchangah lain Premier League club Spurs chuan kum 26 mi hi lak an tum.

Tottenham sawmna hnarin, Franck Kessie hian khelhna hmun a chan theih nan a beih tur thu a sawi a. Tunah Sergio Busquets a inhliam bawk nen, khelhna hmun a chan tam pawh a rinawm hle. 

Post a Comment

Powered by Blogger.