February 11, 2023 (Rauthla) : AC Milan, Marseille leh Villarreal te chuan Arsenal striker, tuna loan-a France club Reims tana khel mek Folarin Balogun lak an tum dawn.
Arsenal striker kum 21 mi Folarin Balogun hian nikum August thla khan France hi a pan a, Reims tan tun season kal mekah a che tha hle a, tunlai striker hot ber pawlah a invawrh chho mek. Season kal mekah goal 14 khung tawhin, assist vawi 2 a nei tawh a, Ligue 1 ah top scorer a ni mek.
Ligue-1 a Neymar, Messi leh Mbappe te awm laia top scorer ni mek thei Balogun hi heng club kan sawi te bakah hian European club lian tak tak pawhin an la beisei a rinawm a, a khelh mekna Reims pawhin lei ngheh an tum mek bawk.
Post a Comment