February 11, 2023 (Rauthla) : Assam Rifles ram chhunga mimal ten dan lova LSC an neihte hi arang thei ang bera tihtawp sak (cancel)turin Central YMA chuan Mizoram Sawrkar a ngen.
Central YMA chuan thuchhuah siamin Aizawl khawpuia Assam Rifles ram luah mek chhunga mimalin LSC an neihte cancel anih theih nan Central YMA chuan hun rei tak kalta atang khan hma a lo la tawh thin a, Feb 9.2023 (Ningani) pawh khan hemi chungchang hi Land Revenue & Settlement Department thuneitute nen sawiho a ni.
March ni 8, 2019 chawhma dar 11:00-a Chief Secretary Conference Room, New Secretariat Complex, Khatla, Aizawl-a Council of Minister meeting Agenda No. II Additional Items 2-ah Assam Rifles ram luah chhunga LSC neite tihtawp a nih theihna tur, Land Revenue & Settlement rawtna (Proposal for cancellation of LSC inside the occupied area of Assam Rifles Battalion (Main Barrack Area) by Land Revenue & Settlement Department) chu Land Revenue & Settlement Department-in Assam Rifles ram luah chhunga LSC neite tihtawp a nih theih nan a rang lamin hma la rawh se, ti a thu a lo dah tawh ang ngei hian, Assam Rifles ram chhunga mimal ten dan lova LSC an neihte hi a rang thei ang bera tihtawp sak (cancel) turin Central YMA chuan Mizoram Sawrkar a ngen a ni.
Post a Comment