ZPM THALAI PRESS RELEASE
Dr.R.Lalthangliana'n I.L.P chungchângah thu belhchian dawl lo a sawi
Dr. R. Lalthangliana'n Hnahthiala State Day February Ni 20, 2023-a a hmanpuinaah, Mizoram ILP chu Mizoram Peace Accord hrinchhuah anga a sawi ta mai chu ZPM Thalai chuan hriatthiam har a tiin, thil pawmawmloh takah a ngai a ni. MNF Ministry-a Minister zingah thiamna nei sâng leh tawnhriat ngah Dr. R. Lalthangliana'n hetianga ILP chungchang leh Peace Accord dawt thu hmanga a sawi zawm hi pawi kan ti hle a ni. Inner Line Regulation leh Inner Line Permit chungchang hi Bengal Eastern Frontier Regulation, 1873 para 2-ah tarlan daih tawh a ni a, Peace Accord khan a pawlh dal zawkah ZPM Thalai chuan a ngai a ni.
MNF te'n inremna neih an chak tawh lutuk a luatah 'kan sa lu hawn tur' ti-a Pu Laldenga'n keipui sa hauh taka a hauh, Mizoram ramri chungchangah pawh Boundary Committee duh dan pawh dinpui ngam lovin, ramri atâna Mizo mipuite'n kan pawm theih loh North Eastern Areas Reorganisation Act, 1971 chu a rawn pawmpui ta a. Hei hi India sawrkâr laka Pu Laldenga a tlawm takzet zia tilangtu a ni.
Thangtharte hi duh duha bum theih kan ni tawh lo a, zalenna sualtute-ah pawh ngaihsan tur leh ngaihsanloh tur kan thliar thiam tawh a ni tih hi ZPM Ṭhalai ngaihdan a ni a; ṭhangtharte hian tuna MNF Party hruaitute hi chu 'Nationalist'-ah kan chhiar ta meuh lo a ni.
Sd/-
(J.LALRAMNGHAKA)
General Secretary
Publicity Department
ZPM Thalai Headquarters
No.ZPM THALAI HQ/PR/2023/11
Aizawl the 21st Feb, 2023
Post a Comment