Mizoram State Budget session neih mêkah SEDP Board ho hman atan Supplementary Demand-ah cheng nuai 358.02 dil belh a ni a. Budget thar turah hei hi tarlan a ni chuang lo.
- Vanlalruata PC.President
Aizawl 21.February,2023 : Vawiin chawhma dar 11:00 hian Pu Vanlalruata President kaihhruaiin PC Party hruaitute'n Mizoram budget 2023-2024 thlirhona an nei leh.
He hunah hian Mizoram state sum dinhmun chungchâng thu sawiin Pu Vanlalruata chuan, "kan sum dinhmun chhiat chhoh zel laiin siamá¹hat tumna hmuh tur a awm lo a; Lanmawi tumin budget diklo pharh zel a ni a; Sum hman ral thlawn (Revenue Expenditure) tur hriat lâwk sa tam tak budget estimate-ah tarlang lovin hetianga thup á¹hen hmang hian pawisa chuang liam (revenue surplus) nei tur anga intarlan á¹hin a ni. Hetiang budget diklo siam luih hian kan sum dinhmun a ti chhe zual zel a, a pawi tak zet a ni," a ti.
Pu Ruata chuan, ''kan budget hman lai (2022-23) hi a tirah hlawh tak ngial pawh indaihlo tura duan anih thu kan sawi thin a. Tunah a nihna lo lang chhuak tain supplementary demand-ah hlawh atan cheng vbc 215.81 lâi dil belh a ni a; Sum dil belh hi a vai phei chuan cheng vbc 3,265.69 niin, a tam tham hle a ni," a ti a;
Pu Ruata chuan, ''hetianga lanmawi tuma budget diklo siam a, tam tham tak tak siamrem(reappropriate) ngai á¹hin hi tih tawp a á¹ul tak meuh a ni," a ti bawk.
Post a Comment