February 9, 2023 (Rauthla) : Mizoram Pradesh Youth Congress Committee (MPYCC) chuan National Health Mission (NHM) hnuaia thawk ten nikum December 2022 leh kumin January 2023 hlawh vawiin thlenga an la la lo chu pawi an tih thu leh a rang thei ang bera an hlawhte pe chhuak nghal turin Mizoram sawrkar an phut thu an sawi. 

Hemi chungchanga vawiina thuchhuah an siamah, MPYCC chuan National Health Mission (NHM) Mizoram hnuaiah hian 4th Grade atanga Doctor Specialist thlengin mi 2200 chuang an thawk mek tih sawiin, hah pawh sawi thei lova  mipuite hrisel nan indaihlo tak chunga an duty mek laia an thlabi hlawh Sawrkarin a batsak reng thin chu vanduaithlak an tih thu an sawi.

'December 2022 & January 2023 thlabi hlawh atana Central Sawrkarin a tum ve tur (90:10) chu December 24, 2022 daih tawh khan Mizoram Sawrkar ah an rawn release tawh tih MPYCC in kan hriat phei chuan engti kawng maha chhuanlam siam lo tur leh tikhawtlai lova NHM thawktute hlawh hi pe chhuak nghal turin Mizoram Sawrkar hi tih tak zetin kan phut a. A tulna apiangah NHM thawktute thlavang hi MPYCC chuan kan hauh tlat zel dawn a ni' an ti.

Post a Comment

Powered by Blogger.