February 9, 2023 (Rauthla) : Vawiina Mizoram Legislative Assembly session neihah Aizawl South-I MLA C. Lalsawivunga zawhna chhangin, CM Zoramthanga chuan tun dinhmunah Family Oriented SEDP chu chhungkaw 59,996 hnenah sem ni tawhin, hei hi phase I, 1st installment a ni, a ti a. Chhungkaw 4 la pek loh te chu Tourism department hnuaia Tourist Guide trade thlang an ni a, training buatsaih laia training ve hman lo te an ni a, training hi buatsaih thuai tum a ni, a ti bawk.
CM chuan tun financial year kal mekah hian chhungkaw 60,000 te hi Rs. 25,000 ve ve (Rs. 50,000) in 1st installment leh 2nd installment angin pek an ni dawn a, 1st installment-ah Rs. 25,000 pek fel tawh an ni tih a sawi a. Financial year tharah tun financial year-a Rs. 50,000 kan pek bak hi pek chhunzawm leh an ni ang, a ti a. Tin, tun financial year thar lo awm turah hian chhungkaw thar hlak tan phase II sem leh nghal a ni dawn, a ti.
Post a Comment