Lawngtlai, February 15, 2023 : Central Young Lai Association chuan vawiin khan tunhnaia Lai fate zinga mi chhuanawm, MPSC hnuaia Mizoram Information Service (MIS)-a inziak tling - Zonunchama Ralte leh David A. Lalhmingchhuana te hnenah leh Central YLA Office Bearers lo ni tawh Doctorate Degree hlan thar Dr. LZ. Tluanga hnenah chawimawina thuziak an hlan.
Central YLA Office, Lawngtlaia chawimawina hlan hun tawi hi Central YLA General Secretary Pu Joseph Lalhmingthanga Chinzah in kaihruaiin chawimawina thuziak hi Central YLA President Pu HC. Vanlalruatpuia, Vice President Pu F. Lalrothanga leh Adviser Pu Thathluna Chinzah te'n an hlan.
Chawimawina hlante zinga pahnih Zonunchama Ralte leh David A. Lalhmingchhuana te hi training laklawh an nih avangin an aiawh an chhungte'n chawimawina hi an dâwn sak a, chawimawina hlante aiawhin Pu Dr. LZ. Tluanga'n lawmthu a sawi bawk.
Post a Comment