Rauthla 17.Jan.2023 : Nimin khan Lunglei Bhawan hawn inkhawmah MPCC President Pu Lalsawta chuan thusawiin, "Lunglei Municipal Council (LMC) inthlan hi kum 2023 MLA inthlan atana semi-final a ni a, Lunglei mipuite tana in enkawlna tha leh fel nei turin Congress party in rorelna a chelh a ngai tih sawiin, LMC inthlan turah Congress Party kan phur em em a. Lunglei khawpuiin enkawltu Councillor tha tak an neih thuai hi kan duh pui a, Lunglei Bhawan kum 2023 atana hawnnaa kal te ngaihtuah phei chuan kan phur zual em em a, keini aiin ruling lu a hai a ni, a ti.
Pu Lalsawta chuan, nitin ram siam that duh mi tha tak takin Congress party an zawm thar chu lawmawm tih sawiin, kumin 2023 MLA inthlanah LDCC huam-chhung MLA bial 7 lak vek theih kan in ring a, tun anga party chhung tanrual leh thuawih taka kan thawhho that zel chuan chiang leh zualin chakna kan chang ngei ang, a ti a, ram siam that hmanhmawh thlak zia hria ila, kan ram tan chauh Politics dik khel ila, tumahin Politician kan khel ve tur a ni lo, a ti a, Party dang te'n an Sum ngah inthlana chak nan hman an tum dawn a, keini erawh chuan inthlan senso tam hi Corruption bul intanna leh a tihluartu nia kan ngaih avangin inthlana sum hman tam hi kan do a ni. Ram dinchhuah duh, Mizoram mipui nena kan thawhho chuan kan hneh ngei pawh kan in ring. Party dangte anga sum tam tak hmanga Campaign kan tum loh avangin kan party mipui, Block, Group leh Unit zawng zawng te'n kan Candidate te phurrit siam zawng lova an theih ang chin china mahni hekna tur pawha lo tanpui zawk turin ka ngen che u, a ti a, Pawisa chakna hmanga rorelna chan tumte hi engmah ti thei lova siam hi kan tum a ni. Inthlan dawna midang chunga that chhuah that thut te hnawl a tul a, inthlana pawisa chakna thah hi Congress thuthlung thar a ni, a ti bawk.
Pu Sawta chuan, Inhlawhfa rilru pu lova, a neitu rilru pu a, "Keimahni ngei hian kan ram hi kan siam tha dawn a ni, " tih rilru put a tul tih sawiin, Khawvela kan dam chhunga hlauh neih hi a ho hle. Leia tawihral a, tui ral mai mai tur kan ni. Ram chhana thih hi a hlu a, tawpna nuam a ni. Mipuiin sorkar tha an duhin an awt em em a. An nghakhlel a, min au a ni. Kan Manifesto No.I hian Mizoram mipui dinchhuahna tur '|ang puihna' a keng a, tih sawiin, Central sorkar pawhin hetiang kawng hian hma a la nasa a. Mizoram mipuite ' thawhrim leh taimak hi mimal leh hnam dinchhuahna a ni’ tih zirtir hi Politics kawng dik a ni a, uar takin i tlangaupui zel ang u, a ti bawk.
Post a Comment