Rauthla 17.jan.2023 : Nimin  khan Chawngte-a Chakma NGO hrang hrang, All India Chakma Students Union, Mizoram Chakma Students Union, Young Chakma Association, Chakma Mahila Samiti leh Chakma National Council of India huaihawtin Arunachal Pradesh sorkar laka lungawi lohna lantirin kawng an zawh.

Chawngte a kawng zawhah hian Arunachal Pradesh Sorkar chuan Chakma te tan Residential Proof Certificate (RPC) an pekchhuah thin chu tun hnaiah tih tawp a ni ta a, hei vang hian Arunachal Pradesh a Chakma te tan harsatna lian tak a thleng mek a, kan unau te harsatna tawh mek hi kan tuarpui in Residential Proof Certificate (RPC) hi an pek chhuah leh theih nan Arunachal Pradesh Sorkar hi kan phut tlat a ni an ti.

Nimina kawngzawh ah hian Pu Nirupam Chakma, Pi Nomita Chakma, Pu Durjya Dhan Chakma, Jagadish Chakma ten thu an sawi a, zirlai leh mipui \hahnem tak pungkhawm te chuan Arunachal Pradesh Sorkar in Chakma te tan Residential Proof Certificate pe chhuak thuai turin an phut thu an au rual a ni.


Post a Comment

Powered by Blogger.