Rauthla 16.1.2023 : Tukin zing dar 4:30 vela Trinity hospital bul, Melthum quarry a Chawngte lam Gypsy accident ah a hmunah mi 3 an thi a, thi te hi Mohesh Boran (40), Bono Sandro (47) leh Soran Singh (41) te an ni a. Soren Singh hi Gypsy khalhtu ber ni a sawi a ni.
Lakhan Chakma (39) MDC member leh Dilip Kumar (45) ten hliam an tuar a, an ni hi Trinity hospital panpui an ni. (An hming hi an zinga hliam tuar sawi dan a ni a, ziah sual palh pawh an awm thei)
Mitthi 3 te hi Melthum branch YMA in an ruang hlawmin kuang an siam sak a. ZMC lamah post-mortem tura phurh phei an ni a, Kulikawn Police lamin an buaipui ni a thudawn a ni.
Kan thu lakna in a sawi danin, Gypsy hi nimin tlai dar 4 vel khan Chawngte chhuahsanin Aizawl an rawn pan a, tukin zing khawvar hma dar 4:30 vel khan Trinity hospital chhak deuh, Melthum huam chin Pu Sainghaka quarry bul khamah an tlan liam ta ni a thudawn a ni.
Scooty tlanin an chesual tih hriain an inpunkhawm a. Melthum branch YMA ten an buaipui nghal a, a hnuah Police lam leh Chakma House LO pawh a hmunah an thleng zui ve nghal a ni.
Gypsy hi a lumna lamah a kang chhe nasa a, ruang pakhat pawh hi a kang viau niin mita hmutute chuan an sawi.
Post a Comment