Rauthla, November 4, 2022 : Zoram Thar Zofate Lairelna Inpui buatsaih Zofa Lelte, Zo hnahthlak zawng zawngte huapzo Inzaisiakna chu a hmawr an bawk tan dawn ta.
Zaithiam 30 thlanchhuahte chuan Vaivakawn Auditorium-ah November 2-3, chhung khan inelna an hmachhawn a. Zan khatnaah mi 15 an zai a, Endiktute ah hian mi thar pahnih Pu RC Bohia leh Nl. Ian Len Sung te hman belh an ni. Nizan khan inelna hmachhawn chhunzawm zel tur 10 thlanchhuahte puanzar an nia, chung zaithiam thlanchhuahte chu:
1. H. Lalmalsawma, Farm Veng, Lunglei, Mizoram.
2. Sonia Lamngaichin, Dumlian, Churachandpur, Manipur
3. Elizabeth Vanneihkimi Darlong, New Lamkhuang, Tripura
4. Rochanhlua, Sangau, Mizoram.
5. Lalhmingmawii, Luangmual, Aizawl, Mizoram.
6. J. Lalditsak Hmar, Mouldam, Assam.
7. Zenngaihsang, New Lamka, Manipur
8. Simon Lalpekkima Pachuau, Dârngawn Veng, Khawzawl, Mizoram
9. Angeli Lalruatpuii, Chhingchhip, Mizoram
10. Mari S. Beilyki, Meisavaih, Siaha, Mizoram
Heng mi 10 thlanchhuahte hian a Inelnatawp (Final) chu December 9-10 ah an hmachhawn leh dawn a ni. Result puanna leh lawmman semna leh Zofa Lelte 2022 kharna hun chu December 11 ah Vaivakawn Auditorium ah neih a ni ang.
Rev Dr Zaichhawna Hlawndo chuan Zofa Lelte Inzaisiakna a telte hnenah lawmthu sawiin-Zofate Krista tana kan Inpumkhatna atana missionary vek in ni a, Inelnatawp (Final) thleng pha lo pawh in hlawhtling vek a ni a ti. A sawi zelna ah chuan Zofa Lelte Inzaisiakna hi zaithiam zawnna a ni mai lova, Thlarau lam thil Zofate kum tam tak thendarha awmte Insuihkhawm lehna hmanraw pawimawh tak a ni a ti bawk.
Post a Comment