Lawngtlai, November 4, 2022 : Mizoram Nursing Council (MNC)-in vawiina 1st year leh 2nd year ANM/Health Worker Exam, September 2022 result a tihchhuahah ANM School Lawngtlaiin result ṭha tak an nei a. 1st year leh 2nd year-ah topper an nei ve ve. 

ANM School Lawngtlaia 4th batch, 2nd year (final year) zirlai 20 zingah 4 chu Distinction-ah pass-in, First Division-ah 6, a bak mi 10 chu Second Division-ah an pass a. Mizorama ANM/Health Worker training school 5 aṭanga candidate 86 zingah ANM School Lawngtlai aṭang hian mi 4 - Mizoram topper Lalṭhasangi, 3-na C. Lalchawimawii, 6-na Lalhundiki leh 9-na Rebek Lalthianghlimi te chu top 10-a lang an ni.

5th batch zirlaite pawhin 1st year result ṭha tak neiin, zirlai 20 zingah Distinction-ah 1, First Division-ah 4, Second Division-ah 11 leh pass pangngai 4 an awm a. Mizorama ANM/Health Worker training school 5 aṭanga 1st year candidate 124 zingah ANM School Lawngtlai aṭang hian mi 3 - topper S. Lalvenpuii, 2-na Rodingpuii Hmar leh 4-na HC Juliana Lalhruaizeli te chu top 10-a lang an ni.

ANM hi kum hnih zir niin, ANM School Lawngtlaiah hian tunah 6th batch (1st year thar tur) an lut fel leh tawh a. A din tirh aṭangin 1st year leh 2nd year-ah Mizorama result nei ṭha pawl an la ni chho char char a ni.

Post a Comment

Powered by Blogger.