Lawngtlai, November 24, 2022 : Vawiin khan YLA Bazar Branch Kumpuan Sub-Committee chuan CYLA Kumpuan Sub-Committee thupui 'Ram leh hnam humhalh' inkaihhruaina bawhzuiin YLA Bazar Hall-ah 'Awareness Campaign on HIV/AIDS & Educational Studies' tih thupui hmangin Awarness Campaign Programme an buatsaih.
He hunah hian Bazar Veng chhunga naupang kum 12-19 inkar te hnenah HIV/AIDS chungchangah Resource Person Nl. A. Lalremruatpuii, PM, GDC leh Nl. C. Malsawmchhungi, DRP, SHADE, LWS ten zirtirna an pe a, Zirna hmasawnna tih thupui hmangin Dr. Lalramnunmawii, Associate Professor, Govt. Lawngtlai College in zirtirna a pe bawk.
He awareness campaign programme-ah hian naupang 75 kalin, Bazar Veng chhunga Kohhran hrang hrang naupang LIKBK, BCM, UPC (NEI), PCI ten special item an nei thei theuh bawk a ni.
He hunah hian Bazar Veng VCP Pu Immanuel L. Sathing hnen atangin fuihna thuchah tawi ngaihthlak a ni a, YLA Bazar Branch President Pu A. Malsawma hnen atangin thusawi tawi ngaihthlak a ni bawk a. Tv. F. Vanlalchhuanga (Chairman Kumpuan Sub-committee) leh Pu Rohmingliana Zathang (Vice Chairman Kumpuan Sub-Committee) ten thu an sawi bawk.
Post a Comment