Lawngtlai, November 25, 2022 : Lai Women Association General Headquarters: Lawngtlai (LWA) chuan LADC Golden Jubilee lawmnaa Phawngpui Photographer ten ‘Lai Thuam famkima inthuam nalh ber thlan chhuahna’ an neihah Hmaram thuam inbel chu 2nd position atan an thlang a, hei hi dik an tih loh thu an sawi.
Lai Women Association-in vawiina thuchhuah an siama an tarlan danin, Dt 22-23 November, 2022-a LADC Golden Jubilee lawmnaa Phawngpui Photographer ten ‘Lai Thuam famkima inthuam nalh ber thlan chhuahna' neih a ni ang an tih angin thlan a ni a, hetah hian Hmaram chu 2nd Position-ah thlan tel a ni chu dik lo an ti a. LWA chuan Hmaram chu engtik lai mahin Lai thuam a ni ngai lova, Lusei thuam a ni a, Phawngpui Photographer ten Lai thuam zingah an lo telh mai chu pawi an tih thu leh an duh loh thu an sawi.
LWA chuan hetiang thil hi tun hnuah thleng tawh lo se an duh thu an sawi a, ' kan Lai hnam thuam hi humhalh a, hnam anga chimral kan nih loh nan theihtawp i chhuah zel ang u' tiin thuchhuah an siam.
Post a Comment