Lawngtlai, October 4, 2022 : Nimin, November 3, 2022, Ningani tlai dar 4 vela Lawngtlai AOC venga Power & Electricity department, Lawngtlaia thawk ten Consumer line an siamthat laia current man avanga boral Pu Francis Rochungnunga chungchangah Er. Lalnghakliani, SDO Lawngtlai Power Sub-Division chu vawiin khan suspended niin, vanduaina thlen laia Control room-a duty chu Lawngtlai Police ten thubuai an siamsak tawh bawk a. Power & Electricity Minister Pu R. Lalzirliana chuan Pu Francis Rochungnunga nupui chu a thawh theih tawk hna a siamsak dawn bawk a ni.
Tarlan tawh angin, nimin khan AOC veng atangin complaint a awm a, thawktu mi pahnih kalin, Francis-a zawk hi banah a lawn a, bana a lawn dawn hian Francis-a hian mi phone atangin shut down a lak thu Power House an hrilh a, Shut down a lak fel hnuah a banah lawnin engemawchen hna a thawh hnuah banah hian current kalin a man ta a ni, Vanduaina a thlen hnu hian District Hospital, Lawngtlai panpui niin, a nunna chhan theih a ni ta lo a, tukinah Postmortem tih fel a nih hnuah an khua Cheural panpui a ni. Pu Francis Rochungnunga hian a nupui leh a fanute pahnih a kalsan a ni.
Hetih lai hian October 14, 2022 Rulkuala current man avanga boral mi 3 chungchangah pawh a hun laia mawhphurtu zawn mek zel a ni a. Case siam nghal niin enquiry lak char char a ni a. Tin, zangnadawmna an hmuh theihna turin Mizoram sorkarin hmalakna a kalpui mek a ni.
Post a Comment