Lawngtlai, November 26, 2022 : Vawiin khan Nehru Yuva Kendra (NYK) huaihawtin Central YLA Hall, Lawngtlai-III-ah India Constitution Day (Samvidhan Diwas) hman a ni a, he hun hi Lawngtlai-III Bialtu MDC Pu T. Lalengmuana chuan Khuallian niin a hmanpui a, thalai thahnem tak an tel bawk.
Khuallian chuan, 'Ram awm turin Dan a awm a ngai a, ram leh dan hi thil inzawm tlat ṭhenhran theih loh a ni a, chu dan chu ram inrelbawlna atan kan innghahna pawimawh ber a ni a, Dan zawm ṭhatna ram apiang a nuam a, a ralmuang a, dan zawm ṭhat lohna ram chu a ralmuang ngai lo' a ti.
He hun hi He hun hi NYK Lawngtlai Staff Pu Johny Malsawmsanga chuan kaihruaiin, hun hman chhan a sawi fiah a. Resource person Govt Lawngtlai College-a Asst Professor Pu ZH Lianthanga hnen aṭangin Constitution Day chungchang leh Constitution pawimawhna ngaihthlak a ni a. BSA Cultural Troupe te'n hnam lam entirin, Lalchhanchhuahi hnen aṭangin malzai ngaihthlak a ni bawk a. Jasmine VL Hruaii'n lawm thu sawiin hun a khar a ni.
Constitution Day hi November ni 26, 1949-a India Danpui pawm a nih hriat reng nan leh a pawimawhzia inzirtir ni atan kum tin November ni 26-a hman tura tih a ni a. Sawrkar Laipui ruahman angin kum 2015 aṭang khan kum tin hman ṭhin a ni.
Post a Comment