BJP in MADC ah hun rei lo te ah sorkarna an siam thuai dawn - BJP Mizoram State President

Aizawl, November 26, 2022 : BJP Mizoram State President Pu Vanlalhmuaka chuan, MADC-a INC-MNF sawrkar paih thlak a nih hnuah, MNF MDC 3 ten BJP zawmin, hun rei lo te ah BJP in MADC ah sorkarna an siam thuai dawn tih vawiin khan thuthar lakhawmtute hma ah a puang.

BJP Office Atal Bhavan a thuthar la kawmtute a kawmna ah, Pu Vanlalhmuaka chuan, MADC a INC-MNF sawrkar intawm chu rintawk lohna, No-Confidence Motion a luh avangin nimin khan secret ballot hmanga bukin, paihthlak a ni a, MNF Party a MDC pathum chuan an party kal hmang leh Chief Minister Pu Zoramthanga kaihhruai dan chu tha ti lovin, anmahni duhthlanna ngeiin BJP lamah an tang ta a ti.

MADC a BJP MDC te chuan sorkarna siam turin a kal kawng, dan ang thlapin an zawh leh mek thu sawiin, hun rei lo te ah BJP in MADC ah sorkarna an siam thuai dawn a ni a ti.