Rauthla Editorial, November 22, 2022 : Vawiin hi Laifate tana ni ropui leh chhinchhiah tlak, LADC in kum 50-na a tlinna lawmpuina pui ber, Golden Jubilee neih tanna ni a ni a, he hun hi vawiin leh naktuk hian CYLA Playground-ah ropui taka hman a ni ang.
Laifa hnam tlemtein mahnia ro in rel hran theihna kan nei hi a lawmawm hle a, hei hi chimral kan nih loh nana hman thiam pawh a pawimawh hle. He kan ram neih chhun hi a chhunga chengte hian kan hmangaih tur a ni a, chanvo pawimawh tak tak pawh Laifa ni lo chu neih tir loh a him a, hna lak reng rengah pawh Laifa duhsakna sang ber fo sela, hei hi kan hnam damna tur a ni.
LADC a roreltute hian kan hnam leh ram hi kan vawng him tur a ni. LADC a department leh chanvo lian te pawh hi kan humhim ngam tur a ni. He council atang hian kan tawng kan humhim ngam tur a ni a, kan dress kan vawrh lar ngam tur a ni a, kan ramri kan humhim ngam tur a ni bawk.
Eirukna hian hruaitu dawihzepah min siam thin a, dik lo taka thiltih hian a huai theih loh. LADC a kan hruaitute hian dikna leh rinawmna nen kan ram hi kaihruai se a duhawm hle.
Post a Comment