Rauthla, October 20, 2022 : Zoram Thar Zofate Lairelna Inpui buatsaih Zofa Lelte 2022 Inzaisiakna Vaivakawn YMA Hall a neih mekah Top 90 inelna chu October 19 atangin neih a ni a. Intihsiakna hi vawiin khan neih chhunzawm a ni.
Zofa Lelte Inzaisiakna hi Zo hnahthlak hmun hrang hrang - Myanmar, Manipur, Tripura, Assam leh Mizoram atanga thlanchhuahte an ni. He Inzaisiakna thupui chu "Zofate Krista tana Inpumkhat" a ni. Inzaisiak hlanna hun hmanah Rev. Dr. Zaichhawna Hlawndo chuan kum 1000 chuang thendarh tawh, mahni nihna pawh hre tawhlo leh hnam nihna dik tak Zofate ah Lalpan min kaitho mek a ni a ti. A sawi zelna ah chuan "He Zofa Lelte hian Zo hnahthlak thalaite thinlung ril a fan mek a, hnam ropui kan harh mek a ni" a ti bawk.
Intihsiakna hi Zoram Thar Youtube channel leh LPS 10 lamah thlir theih a ni a. Zaninah Top 90 intihsiakna leh result dar 8 aṭangin thlir theih a ni ang.
Zofa Lelte 2022 Audition round chu district sawmpakhat; Aizawl, Lunglei, Lawngtlai, Siaha, Hnahthial, Serchhip, Champhai, Khawzwl, Saitual, Kolasib leh Mamitah ah neih a ni a, Manipur, Bangladesh leh Tripura ah te pawh neih a ni. Zofa Lelte 2022 Inzaisiakna hi Zo Hnahthlak zawng zawng huap Zo tawng hrang hrang zai intihsiakna huang awmchhun a ni.
Lawmman pakhatna dawngtu hian cheng nuai 3 a dawng dawn a, pahnihnain nuai 2 leh pathumnain nuai 1 an dawng bawk ang.
Post a Comment