Rauthla, October 21, 2022 : Aston Villa thuneitute chuan nikum November thlaa an manager atan a an lakluh Steven Gerard chu an ban thu an puang.
Nizan khan Aston Villa hi Fulham khelmual Craven Cottage-ah lenglutin, Fulham lakah hian 0-3 in an tlawm a. Hemi hnu lawk hian Gerard-a ban thu hi puan a ni. Aston Villa thuneitute chuan 'A inpekna leh thawhrimna avangin Steven-a chungah hian lawmthu kan sawi a, a hun kal leh zel turah duhsakna kan hlan' an ti.
Aston Villa hi tun season kalmekah an che chhe hle a, khelh 11 khelh zawh tawhah point 9 hmuin, table-ah 17-naah an awm mek a, khelh 11 ah vawi 2 chakin, vawi 6 an tlawm a, vawi 3 an khelhpuite an inhnehtawk pui bawk.
Liverpool midfielder hlui Steven Gerard hian nikum November thla khan Rangers atangin Aston Villa hi a zawm a. Dean Smith a thlak. A luh atang hian Aston Villa hi match 40 a kaihruai hman a, vawi 13 chakin, vawi 19 a chak loh pui a, vawi 8 a inhnehtawkpui bawk.
Kum 42 mi, England midfielder hlui Steven Gerard tlaktu tur hian coach thahnem tak hming a ri nghal a. Tottenham leh PSG coach hlui Mauricio Pochettino chu hming langsar ber niin, QPR boss Michael Beale, Brentford boss Thomas Frank, Sean Dyche, Unai Emery leh Rafa Benitez te hming pawh a ri.
Post a Comment