Lawngtlai, October 10, 2022 : October 21-25, 2022 chhung hian Dirang, Arunachal Pradesh-ah 1st North Eastern Zonal Sub-Junior Boxing Championship 2022 neih a ni dawn a, he championship-a tel tur Mizoram Boxing team chu Sports & Youth Service LADC Coach Tc. Lalramchullova'n a kaihruai dawn.
Mizoram Boxing Association chuan Mizoram team enkawl tur hian SYS department, LADC hnenah Tc. Lalramchullova hi an dil a, an dilna hi Sports & Youth Services Officer, LADC Pu Hmangaih Johana chuan remtiin, Tc. Lalramchullova hi Mizoram Coach a ni dawn ta a ni. SYS LADC Coach Tc. Lalramchullova hian October 12, 2022 hian Lawngtlai chhuahsanin Aizawl a pan ang a, SAI Aizawl training camp a zawm nghal ang.
Mizoram Boxer te ni 10 chhung training a pek hnuah, Mizoram team te nen Mizoram chhuahsan lehin, an khelhna hmun tur Arunachal a panpui dawn a ni.
Post a Comment