Lawngtlai, October 11, 2022 : Vawiin khan Pu H. Rosangpuia te chhungkua, Cheural chuan Pathian leh LADC sawrkar hotute duhsakna changa, malsawmna an dawn avanga lawmthu sawi nan leh mirethei leh chanhai zawkte tanpui nan, Chief Executive Member's Relief Fund atan Rs 10000 (singkhat) an chhung lut.
Pu V. Zirsanga, CEM LADC chuan, Pu H. Rosangpuia te chhungkuain malsawmna an dawn, mahni tan chauha hman mai duh lova, mi dangte tanpui nana an hmang chu lawmawm a tih thu sawiin, an thilpek hlu tak hmang hian mirethei tam tak ten malsawmna an dawng ve thei dawn a, midangte tanpui duhna rilru an nei chu, an fakawm tak zet a ni, a ti.
Post a Comment