Rauthla, October 26, 2022 : Pu H. Biakzaua MLA, Agriculture Development Board Vice Chairman chuan Gov't. of Bodoland Territorial Council, Assam buatsaih, 1st Inter Sixth Schedule Premier Leaque, 2022 Football Tournament-a LADC aiawha khel player te chu vawiin khan Lai House, Bungkawn, Aizawl ah lo hmuakin lawmpuina hun a hmanpui.
Pu H. Biakzauva, MLA chuan fuihna thusawiin, kan ram leh hnam aiawha State pawna LADC aiawh a fehchhuak hmasa ber in ni a, Champion ni thei hial tura ngaih in nih laiin, Final-ah vanduai zawk nih rih mah ula, in chanchin kan lo hriat dan hian lung a tiawi hle, a ti a. Infiamnaah chuan a vanduai zawk kan awm thin a, vanneih hun a awm ve bawk thin, hun chep tak kara inbuatsaih in ni a, in buatsaihna tha zawk nen, hmalam hunah in la champion ngei ka ring tlat a ni. Tuna vanduai zawk in nihna hian in rilru tihnual lo se, chona thar petu atan hmang zawk rawh u, kan theihna apiangah theihtawp kan chhuah pui zel ang che u, a ti. Lawngtlai East bialtu MLA hian pawisa fai hlan bawk.
He hunah hian Pu H. Biakzaua, MLA hi Pu C. Rongura EM, Pu Lalropuia Chinzah EM, Pu H. Lalmuansanga Dy. Chief Whip LADC leh Lai House DRC leh Official ten an tawiawm a ni.
Post a Comment