Lawngtlai, October 25, 2022 : Vawiin khan Lawngtlai Bawrhsap Pu Amol Srivastava kaihhruainain Samagra Shiksha Lawngtlai District hnuaia Vidyanjali 2.0 (an offering with both hands) chak zawk a kalpui dan tur DC Conference Hall-ah sawiho a ni.
He hunah hian District Administration Official te, Education Department lam atang DPC, Addl. DPC, E.O P/S (LADC), Samagra hnuai APO te leh Town chhunga Sorkar School Primary atanga Higher Secondary Headmaster/Principal te an tel a ni.
Vidyanjali 2.0 hi Volunteer ten school mamawh an tanpui/an pek theihna tura portal siam a ni. Vidyanjali 2.0 Portal-ah hian Sorkar School te in Register in an mamawhte an tarlanna tur a ni a, chutiang bawkin Volunteer ten he portal-ah hian in register ve bawkin school mamawhte an lo hriat ve na tur leh an tanpui dan tur an lo hriatna tur a ni.
Vawiina sawihonaah hian Volunteer tam zawk zawn hmuh kawngah School, Samagra Shiksha leh Bawrhsap leh a hnuaia officers ten thawh ho nise tih leh he Scheme hi Lawngtlai District a hlawhtling taka kalpui a nih theih nan School te pawhin an theihtawpin volunteer zawn kawngah hma lo la se tih te sawiho a ni a. School ten an hmalakna hi DPC, Samagra Shiksha ah 5th November, 2022 ral hma in Report pek nise tih a ni bawk.
Post a Comment