Lawngtlai, October 1, 2022 : Kawngpui dunga dah tur, Lirthei khalhtu tena tangkai taka an hman tur Convex Mirror chu nimin khan CEMs Conference Hall-ah CEM Pu V. Zirsanga'n Lawngtlai khawpui chhunga veng thlanchhuah panga hnenah a sem.
CEM Pu V. Zirsanga chuan, "khawvel hmasawnna kal zelah Lirthei a pung chho zel a, Lirthei pung chho zel hian chetsualna a thlen ve zel bawk a. Vawiin niah Lirthei khalhtuten heng chetsualna laka an him theih nan leh tangkai taka hman tura veng hrang hranga Convex Mirror dah a ni thei tur hi a lawmawm hle a ni" a ti a. Convex Mirror sem anih theihna tura buaipuitu DC kalchhuakta Dr Andrew H. Vanlaldika leh a buaipuitute chungah lawmthu a sawi bawk a ni.
CEM chuan, khawpui hmasawnna leh khawpui cheitu ni bawk tur thil tangkai tak hi a veng enkawltu, YLA leh VC ten uluk taka enkawl chhunzawm tura chahin, a nihna tur ang taka hmang turin a beisei thu a sawi a. Tin, khawpui chhunga la dah lohna hmunah te pawh dah a nih theih nan hmalak zel anih tur thu a sawi bawk.
Convex Mirror hi Dr Andrew H. Vanlaldika, DC kalchhuakta hmalakna a lei niin, heng veng New Vengpui, Bazar, Lawngtlai-III, Chandmary leh College Vengah te hian Pahnih theuh dah tura ruahman a ni.
Post a Comment