Lawngtlai, October 1, 2022 : Tukin zing khan Swachh Bharat Mission (Urban), UD&PA department, Lawngtlai buatsaihin Chandmary Square, Lawngtlaiah Faina Hapta 2022, 46th Mizoram Cleanliness Week 2022 (1st October - 8th October, 2022) hawnna hun hman a ni a. Pu Amol Sirvastava, Deputy Commissioner, Lawngtlai chuan hawnna a nei. Faina Hapta 2022 thupui atan' Bawlhlawh paih hmaa thliar hran' ( Waste Segregation of Source) tih hman a ni.
Faina Hapta hawnna hun hi Pu James Miahlung, Chairman MCC-2022, Sub-committee chuan kaihhruaiin, Faina Hapta hawngtu Bawrhsap Pu Amol Srivastava chuan Faina leh thianghlimna hi sorkar hmalakna turah chauh dah mai lo a, Lawngtlai Khawpuia chengte zawng zawng mawhphurhna a ni tih hre thar turin mipuite a chah a. Faina leh thianghlimna kawngah tun aia nasa lehzuala Lawngtlai mipuiten ke kan pen nasat a tul thu a sawi bawk.
Bawrhsap chuan, Ram changkang apiangah Faina leh thianghlimna an ngaihpawimawh thu sawiin, Lawngtlai khawpui thang mek zelah Faina leh thianghlimna kawnga hmasawnna neih tel zel chu a pawimawh hle a ni a ti a. Faina leh thianghlimna kawnga hmalakna ah hian mimal tin te, chhungkua atanga bul tan thar leh theuh turin a sawm bawk.
He hun hmanna ah hian NSS GRHSS Zirlai ten Lemchan, Street Play hmangin Eco-Bricks leh Bawlhhlawh tawih thei leh theilo thliar hran dan chungchang entirna neiin, Pu Alex Lalzawmpuia, Hindi Education Officer, LADC kahhruainain kalkhawm ten Faina leh thianghlimna kawnga hmala tura intiamna neih a ni a. Lalenmawii, Swachh Bharat Mission (Urban) Brand Ambassador chuan Bawlhhlawh paih hmaa thliar hran chungchangah demonstration a nei a. Pi TT Beikhaizi, DPO, UD&PA chuan lawmthu sawinain hun a khar a ni.
Faina beihpui thlakna tur hawnna hun hman zawh anih hnu hian Down Town English School Eco Club member ten mipui bazar turte hnenah Jute Bag an sem bawk.
He Faina Hapta hawnna hun hmannaah hian Dept. Head, VC members, Village Level Sanitation Committee members leh Swachh Bharat Mission (Urban) Local Ambassadors, NSS GRHSS leh Downtown English School Eco-Club member te an tel a ni.
He Faina Hapta hi kar khat chhung hman tur niin October ni 8 khian Areopagy, Lawngtlai Bazar vengah a kharna hun hman tur a ni ang.
Post a Comment