Bualpui (Ng), September 7, 2022 : YLA Bualpui (Ng) Sub-Hqrs chuan PHC Bualpui NG building sak mek chu a hmunah tlawhin, hna viltu Pu Ramdina, Excel Aizawl chu an hna thawh mek a hmunah an enpui a, an hna thawh tawh sa ṭha lo leh mit kap deuh lai te siam ṭha tur leh belh ngai belh tura ngenna siamin an hriattir nghal.
YLA, Bualpui (Ng) Sub-Hqrs Conference 2022 in a rel angin vawiin khan YLA Bualpui (Ng) Sub-Hqrs chuan Bualpui (Ng) a PHC building sak mek chu an tlawh a, hna viltute chu YLA Bualpui (Ng) Sub-Hqrs hruaitu te, YLA Bualpui (Ng) Branch pathum (3) bakah khawneitu nu leh pa, VCP leh VC Member ten an ngen anga a chhe lai leh an duhkhawp lohna lai siam ṭhat a nih loh chuan thawktute pawh Building thar a in suan luh a rem rih dawn loh thu te hrilhin, block thar sak chhunzawm leh chhunzawm a nih loh tur te in hriattir zelin, siam ṭhat ngai lai leh belh ngai te chu siam ṭhat leh belh a nih hnuah hna viltu ten YLA Bualpui (Ng) Sub-Hqrs hruaitute, Bualpui (Ng) Branch pathum (3) te leh khawtlang neitu VC te hriattir leh nise tihte, ṭha an ti a nih chuan building hi luah theih a nih chauh dawn thu te hriattirin ngenna an siam nghal a ni.
Vawiin inkawmhonaah hian Contractor chuan YLA leh VC te duh dan ang a a ṭha thei ang ber hna thawh a duh thu a sawi a, an hotute nen an lo sawi dun tur leh hna te pawh thawh thuai a ni ang a ti.
Bualpui (Ng) Sub-Hqrs Conference 2022 in a rel, 'YLA Bualpui (Ng) Sub-Hqrs huam chhunga Contract Work reng reng branch neitu Branch YLA leh khaw neitu VC te nen thawkho a, eng hna pawh ṭha taka thawh a nih theih nan te leh hna ṭha lo leh contract work thawk ṭha lo te an thawh ṭhat theihna turin hma lak zel ni rawh se' tih chu Bualpui (Ng) Sub-Hqrs hian an bawhzui mek a ni.
Post a Comment