Lawngtlai, September 6, 2022 : Lawngtlai Bawrhsap & EMRS District Level Committee Chairman Pu Amol Srivastava chuan vawiin khan Chawnhua Eklavya Model Residential School (EMRS) tlawhin, an dinhmun a enfiah.

Bawrhsap hi EMRS Principal Pi Bellory Malsawmthangi leh thawktu dangte'n lo dawngsawngin, sikul hmunhma an lo fanpui a. Sikul dinhmun lo sawipuiin, an mamawh hrang hrangte a hnenah hian an lo thlen a. Bawrhsap ho hian sikul hmasawnna tur leh hmalakna tur hrang hrangte an sawi ho a ni.

EMRS hi Central Board of Secondary Education (CBSE) hnuaia a hmuna awm chilha lehkha zirna hmun a ni a. Lawngtlai EMRS hi kum 2020-21 session aṭang khan bul ṭan niin, a bul ṭannaah hian Class-VI aṭanga Class-VIII thleng hawn phawt a ni a. Tunah hian 2022-23 session kal mekin, Class-VI aṭanga Class-X thleng hawn a ni a. Class tinah zirlai 30 zel awmin, tun dinhmunah zirlai 150 an nei mek a. Principal 1, zirtirtu 6, warden 2, nurse 1 leh supporting staff 6, an zavaiin thawktu 16 an awm a ni. 



Post a Comment

Powered by Blogger.