Lawngtlai, September 7, 2022 : September 5, 2022 a Thliarpui leh Thliarte inkara chesual Tuipui Ferry khua, B. Rozamliana ruang zawn hna chu Central YLA ruahmannain kalpui mek zel a ni a. Vawiin khan Lawngtlai Town Branch atangin YLA Lawngtlai Vengpui Branch leh YLA Bazar Branch te tuitla zawngin member thahnem tak an thawkchhuak. YLA Lawngtlai Vengpui te hian MTP Tuipui Ferry hnenah pawisa fai Rs. 3,000, Buhfai bag 1, Alu bag 1 leh Diesel litre 20 an hlan a. YLA Bazar Branch hian MTP Tuipui Ferry hnenah Buhfai bag 1, Nutrela bag 1, Petrol litre 20 leh pawisa fai Rs. 2000 an hlan a, Bazar VC in Rs. 2000 an hlan bawk. Lawngtlai District VC Association te pawhin Rs. 5,000 an hlan bawk.
Vawiin tuitla ruang zawnnaah hian LADC CEM Pu V. Zirsanga leh Pu C. Hrangthianga EM , Pu Lalropuia Chinzah EM, Pu BN. Thangpuia EM leh Pu H Lalmuansanga Dy Chief Whip, Pu Lalrawmfawna MDC te a hmunah kalin tanpuina engemaw zat an hlan a. Heng tanpuina te hi MTP Tuipui Ferry te hnenah hlan leh a ni.
CYLA hruaitute hnen atanga thudawn danin, B. Rozamliana ruang hi la hmuh a ni lova. Vawiin hi ruang zawn ni 4-na a ni a, tui a len em avangin hmalak zung zung a har hle. Naktuk, September 9, 2022 atang hian YLA Hruitezawl Branch te leh YLA Tuidangchhuah Branch ten Lungmawi chhak li vel a ruang an hmuh fo na thin lam an en veleh tan tawh dawn a ni.
Naktuk, September 9, 2022 hian CYLA ruahmannain YLA Chandmary Branch, YLA Chawnhu Branch leh YLA Thingkah Branch te ruang zawng turin an thawkchhuak ve leh dawn a ni.
Post a Comment