Rauthla Editorial, September 9, 2022 : Tunlaiin Lawngtlai khawpui chhungah ruihhlo a hluar hle a, heng ruihhlo avang hian tunlaiin khawpui chhunga pawh rukruk a hluar hle a, lawngtlai Police te pawhin rukru man tur an nei deuh reng.
Heng rukruk tamna chhan zingah hian ruihhlo hi a bulpui berte zing a mi a ni a. Ruihhlo ti tam zawk te hi rukruk avanga hminghliuana nei an ni chawk. Hei bakah hian he ruihhlo hian kan thalai tam tak nun a tikhawlo va, mihringin a hun kan tih hmain kan thalai tam tak an thi bawk. A ti lai mek bakah, ti tura kan beisei loh sikul naupang zingah pawh ruihhlo ti an awm ta nual mai.hei hian an zirnaah a tha lo zawngin nghawng a nei dawn tih hi a chiang a, zirtirtute pawh hemi kawngah hian kan zirlaite kan duh strick deuh hlek chu a ngai a ni.
Ruihhlo avang hian khawtlang a ralmuang lova, ralti reng rengin chhungkaw tam takin zan hun an hmang ral thin. Kan sawi tak ang khian ruihhlo hian rukruk a hrin chhuah avangin mi inrawk duhna hial a hring chhuak a, tunlaiin mi inrawk hriat tur a awm leh zeuh zeuh tawh. Veng tina tlawmngai pawl YLA te kan tanmar zel a ngai a ni. Zan tlai lam deuh thleng pawh kan men deuh chu a ngai a ni.
Post a Comment