Lawngtlai, September 9, 2022 : Nimin khan Lawngtlai Bawrhsap Pu Amol Srivastava chuan Lawngtlai District Administration-in Lawngtlai District chhunga hriselna leh thianghlimna kawnga mamawh phuhrukna tura Shree Narayan Sanskritik Chetna Nyas (SNSCN), Noida atanga tanpuina an hmuh atanga damdawi leh hmanrua an leite chu Medical Department leh UD&PA Department kutah a hlan.
SNSCN atanga tanpuina sum hmuh atang hian District chhunga nausen leh nu thihna (infant mortality leh maternal mortality) titlem turin nau chharna hmanrua (delivery kit), damdawi chi hrang hrang leh hriselna leh thianghlimna atana hmanraw pawimawhte lei a ni a. Every Infant Matters atanga Vitamin A dawn pawh he hunah hian sem tel a ni.
Nimina tanpuina sem chhuah dan chu, Lawngtlai District chhunga Health & Wellness Centre 14 hnenah delivery kit, Vitamin A leh naupang ei chi paracetamol; ASHA 40 te hnenah naute bukna leh thermometer; UD&PA Department hnenah sanitary pad vending machine 5, used sanitary napkin burner leh sanitary pad 1,200 te a ni.
Post a Comment