Lawngtlai, September 9, 2022 : Lawngtlai DC Pu Amol Srivastava hovin vawiin khan Additional DC, SDO (Sadar), SDC, Samagra Shiksha Additional DPC leh District Education Officer ai awh ten Lawngtlai District chhunga zirna dinhmun thlir hovin, zirna tihhmasawn dan tur kawng hrang hrang an sawi ho.

Sawihonaah hian zirna tihhmasawnna kawng khat atan DC office-a officer-te'n Lawngtlai khawpui chhunga zirna in thlan bik nei á¹­heuhvin, zirna kawnga hma an sawn theih nan zirna ina hotu lute leh education department hotute nen thawk hovin a á¹­ul anga ngaihven, en zui leh kaihhruai ni se an ti a. Heng zirna in an thlan bikte ngaihven leh vil zuina turah hian faina chungchang te; hmanrua leh bungrua an neih á¹­hat dan te; tui thianghlim leh faina leh thianghlimna atana mamawh an neih dan te; chawchhun dinhmun te; zirna leh thiamna lam te; ruihhlo, HIV, nun dan mawi leh eizawnna chungchang zirtirna pek te; zirtirtu leh zirlaite'n sikul an kal á¹­hat dan te chu thlur bing nise an ti bawk.

Hei bakah hian Mid-Day Meal Cell te'n sikula chawchhun semte a khat tawka an endik á¹­hin theih nan Samagra Shiksha Additional DPC chuan ruahmanna siam se, tih a ni bawk.

Post a Comment

Powered by Blogger.