Lawngtlai, September 02, 2022 : Lai Autonomous District Council-a LAD changtu Executive Member Pu C. Rongura'n vawiin khan 15th - Finance Commission hnuaia Rural Local Body Grants 'Faecal Sludge Treatment Plant, (Êk sawngbawlna hmunpui) Lawngtlaia hnathawh kal mek a tlawh.
Pu C. Rongura chuan, Êk sawngbawlna hmunpuia an thawhchin leh la thawh hmabakte chu a rang lama hnathawh zawh vat anih tur thu leh hman vat a nih theihnan tan an lak reng thu a sawi a. He hna hi Lawngtlai Town chhunga VC hrang hrang ten an thawh mek thu a sawi bawk.
Faecal Sludge Treatment Plant tuna an hnathawh mek hi 2020-2021 15th Finance Commission (tied fund) hmanga thawh niin; tunah hian 75% zawh tawh a ni a. 2021-2022 15th Finance Commission atanga (tied fund) lo kal leh turah thawh zawh vek hman beisei a ni.
Pu C. Rongura EM hi Pu D. Huanneihmawia LAO LADC, Pu Malsawmtluanga Hlawnchhing EE, PWD LADC, Pu H. Lalhmingmawia Member, Planning & Development Board LADC, Pu V. Lalramnghaka President Lawngtlai District Village Council te leh Lawngtlai Town chhunga VC hrang hrang ten an tawiawm a ni.
Post a Comment