Lawngtlai, September, 02, 2022 : Central YLA chuan Conference-a an thu passed, “LADC hian Hmarchhak state danga ADC ten thuneihna an neih ang a neih ve theihna atana hma lak ni rawh se” tih chu a taka tihhlawhtlin an tum chho mek a. Vawiina CYLA CEC meeting chuan hemi chungchang zirchiang tur “Study Team” din nise, Hmarchhak state a District Council dangte dinhmun te zirchiang tura fehchhuah nise, a tul chuan Central sorkar-ah pawh awka chhuah nise an ti.
Vawiina CEC meeting chuan September 23 a YLA Day-ah hian Branch tin YLA Hall, Kawtthler, khawchhung lunlai leh inah te YLA Flag zar ni se a ti a. YLA Day atan hian motor-a bel leh tar tur Sticker leh Flag te siam ni bawk se an ti a. Tin, YLA day pual hian President leh Gen. Secretary te chuan Niawhtlang leh Mampui Branch-ah te hun an hmanpui bawk ang. YLA Day bikah hian Motherless Home, Rescue Centre leh DHL ah te tanpuina pek a ni bawk ang.
CEC meeting thurel zingah CYLA Kumpuan bawhzuina atan Ruihhlo Do chungchangah a bik takin Damdawi (drugs) hluar zel tur do nan “Anti Drug Squad” a din nghal a, Kum 2024 a YLA Golden Jubilee lo thleng tur atan CYLA Office Bearers te hmalakna hnuaiah inbuatsaihna kalpui nise a ti a, Lairam Rescue Centre (LRC) te nen thawhhona thuthlung siam nise an ti bawk.
Post a Comment