Lawngtlai, September 15, 2022 : Nimin khan MNF Martar te Ni thleng tur pualin Mizo National Youth Front, District Headquarters; Lawngtlai chuan Blood Bank, Lawngtlaia dah turin thisen an pe.
Thisen pek hmaa hun tawi hmannaah MNYF Dist. Hqrs; Lawngtlai Vice President Pu Lalthanmawia Colney, MDC chuan, midang tana luanchhuah hi Pathian thu a nih rualin MNF thiltum a ni a. Kan thiltum kan tihlawhtling thei hi a lawmawm hle a ni, a ti a. Hman Martar te khan Mizoram chhan nan an thisen an luan ral tir a, anmahni avangin Mizo hnam ralmuang a, kan thisen pek hian anmahni angin midang nun a chhan nan tiin thisen pek kan tum a ni, a ti bawk.
Post a Comment