Lawngtlai, September 15, 2022 : Lai Autonomous District Council-a Sanitation Department changtu EM Pu Lalropuia Chinzah chuan, Lawngtlai khawpui a lo thianghlim a, faina leh thianghlimna kawnga hmalatu chu a tul ang zelin Sanitation Department LADC chuan tanpui zel a inhuam, a ti.
Lawngtlai Areopagy-a tukin zinga District Water and Sanitation Mission, Lawngtlai District buatsaih, Swachhata Hi Seva 2022, September ni 15, 2022 atanga October 2, 2022 chhung awh tur hawnna a hmanpuinaah Pu Lalropuia Chinzah chuan he thu hi sawiin, khawvel ram changkang leh hmasawn kan tih ho reng reng hian faina leh thianghlimna hi an ngaipawimawh em em a, a kal tawh ten kal leh an chak thin, a ti a. Mizoramah apwh khawfai hmuh tur a tam tawh a, heng khuate hian faina lamah lawmman pawh an dawng thin a, chutiang chu kan ni ve thei tih hriaiin theihtawp chhuaha tan ka lak ve hi a ngai hle a ni, a ti.
Pu Lalropuia Chinzah EM chuan, School leh Office hrang hrangahte, Kohhran thleng pawhin faina leh thianghlimna hi kan in zirtir tam a ngai a, kan sawitam pawh a ngai a ni, a ti a. Fai tur chuan a chhunga chengte ngei hian mawh kan phur a ni, a ti bawk.
Swachhata Hi Seva 2022 hawnna hun hi Er. Netralal Jaisi, Sr. EE PHED Lawngtlai chuan kaihruaiin, programme an hman chhan leh hmalak zel an tum dante sawiin, kalkhawmte hnenah lawmthu sawina a nei a, Pu Amol Srivastava, Deputy Commissioner Lawngtlai chuan Launching of SHS & Rally flag off neiin, kalkhawm School naupang ten Rally an nei nghal a ni.
Post a Comment