Lawngtlai, September 15, 2022 : National Language Day, Hindi Diwas chu ramchhung hmundang rualin Lawngtlaiah nimin khan LADC Executive Secretary Pu H. Lalruatkima hova hman a ni.

LADC Hall a he hun hmanna ah Pu H. Lalruatkima chuan India rama hruaitu hmasa te khan Hindi hi an ngai pawimawh hle a ti a. India ram khawi laiah pawh Hindi tawng thiam te chuan harsatna tamtak an pumpelh thin ani tiin, Khawvel a awm chhung chuan Hindi Tawng hi a bo mai dawn tawh lo a, chuvangin ngaih pawimawh a, Zirlai naupangte hnenah Hindi an thiam ngei theihna tura zirtirna kalpui zual zel turin zirtirtute a ngen tih a sawi.

Hindi Diwas Organising committee Chairman Pu H. Lalnunmawia chuan LADC sawrkarah he hun an hman hi a vawikhatna a tih sawiin, Hindi Subject Zirtirtute chu an kal lo anih chuan, an Class lak ai midangin lak sak rem ve lo, mi pawimawh tak an nih avangin, inthlahdah thei an nih loh thu an sawi bawk.

 

Post a Comment

Powered by Blogger.