Chawngtelui, September 14, 2022 : Diltlang South bialtu MDC leh EM, LADC Pu Hc. Lalthawmliana chuan, MNF Party-ah hian mipuite thla a muang a, harsatna leh buaina karah pawh Pathianin a hruai a. Zoram mipuite tan belhtlak a nihzia a lang chiang hlein ka hria, a ti.
Pu Hc. Lalthawmliana hian nimin khan a bial chhung Chawngtelui khua a tlawh a. Chawngtelui khawtlang mipui ten khawtlanga tana a thiltihte avangin, ropui taka Welcome Gate siamin an lo hmuak a, a bika siam Chair-ah thuttirin an zawn.
Chawngtelui VCP Pu Devisona kaihhruai, Bazarshed-a Pu Hc. Lalthawmliana hmuahna inkhawmah bialtu MDC chuan, tun hmain Chawngteluiah zirtirtu mumal loh vangin School an kal tha lo hle niin a sawia, tunah erawh MNF sorkarin a ngaihsak avangin Zirtirtute a rawn dah a, zirna School pawh mumal takin kalpui a ni ta chu lawmawm a tih thu a sawi a. Middle School an dil pawh a changtu ni lo mahse a hlawhtlin theih nan kan nawr ang a ti.
Health Sub-Centre pawh reiloteah a function dawn tih sawiin, Cawngtelui kalpawhna minor bridge pawh Chief Minister hnenah a thlen tawh thu leh, a hlawhtlinna hmel hmuh thuai a beisei thu a sawi.
Pu Hc. Lalthawmliana chuan, kum 2023 MLA General Election kan hmachhawn turah Pathian leh mipuite zarah kan sorkar leh ngei dawn a ni, a ti a. Congress sorkarna hnuaiah an zu zawrhna atangin NLUP an sem thei tawk a. Keini MNF Party erawh chuan kan Budget atang liau liauin SEDP a sem dawn a ni, a ti.
Pu Hc. Lalthawmliana hian Congress Party leh Neutral a tangin mi 35 te chu MNF ah a lawmlut nghal a ni.
Post a Comment