Lawngtlai, September 28, 2022 : Lai Women Association Gen. Headquarters, Lawngtlai chuan vawiin khan Electric Veng, Lawngtlai an office-ah kumina Lawngtlai District chhunga hmeichhia, zirna lama tithate hnenah chawimawna thuziak an hlan a, hemi rual hian CYLA Drugs Reduction Squad te hnenah ruihhlo an dona kawnga an tha tihchakna atan Rs. 3,000 an hlan nghal. He hun hi LWA Gen. Hqrs; Lawngtlai President Pi V. Lalrinkimi chuan a kaihruai a ni.

LWA ten zirlai titha chawimawina an hlanna hun hi Pu Joseph Lalhmingthanga Chinzah, General Secretary, CYLA in a hmanpui a. CYLA GS chuan, LWA ten CDRS ten ruihhlo an dona kawnga an tha tihchakna atana sum thahnem tak an pe chu lawmawm a tih thu sawiiin, CDRS tena hma an lakna chu chak taka kalpui mek anih thu a sawi a. 'Tun dinhmunah hian kan thalai, nula leh tlangval te zingah ruihhlo in bu a khuar nghet tawh hle a, kan rinloh leh kan beisei loh, Kohhran leh khawtlangah pawh mi inhmang leh tangkai tak anga kan ngaih te pawh ruihhlo lakah hian kan fihlim tawh lo a; rinloh tak tak man an ni ta fo mai' a ti.

CYLA GS chuan, CYLA leh CDRS te chuan heng ruihhlo kaihhnawih a an man te hi an nihna leh an thlalak pawh chiang taka phochhuah zel an tum tawh thu sawiin,, CDRS te hmalakna kawng hrang hrangah LWA te thlawpna leh puihna an la mamawh deuh deuh dawn, a ti.

LWA Gen. Hqrs; Lawngtlai ten zirlai titha chawimawina thuziak an hlan te chu;

1. Cindy B. Lalremmawii d/o B. Lalremthanga, Lawngtlai Chandmary (MA Philosophy Top-10)
2. Lalramngaihzuali d/o F. Sailuaia, Lawngtlai Chandmary (MA Economics Top-7)
3. Lalrammawii d/o Kapmanga (D.El.Ed Topper)

LWA Gen. Hqrs; Lawngtlai hian kumin kum tir lam khan Lawngtlai District chhunga hmeichhia, zirna lama tithate hnenah chawimawina an lo hlan tawh bawk a ni.

Post a Comment

Powered by Blogger.