Lawngtlai, September 28, 2022 : Central Young Lai Association hnuaia Drugs Reduction Squad chuan vawiin chawhma khan Pu Joseph Lalhmingthanga Chinzah, General Secretary, CYLA hoin Government Lawngtlai College-ah ruihtheihthil (Damdawi) hman sual chungchanga inzirtirna leh inhrilhhriatna (Drugs Awareness Campaign) hun an hmang. Pu Joseph Lalhmingthanga hi Pu M. Saingura, Secretary, CDRS leh Pu K. Zosangzuala, Treasurer ten an tawiawm.

Pu Joseph Lalhmingthanga Chinzah, General Secretary, CYLA chuan, mahni taksa vawn thianghlim chu thisen thianghlim nei tur leh ram leh hnam nghahfak ni tura thil pawimawh a ni, a ti a. Drugs dona kawnga thalaite mawhphurhna san zia leh an pawimawhzia sawiin, CYLA in drugs a dona kawngah an hmalakna tha tichak turin College zirlaite chu a sawm. 

He hunah hian CDRS Secretary Pu M. Saingura chuan report pein, Lawngtlai thalaite zingah Drugs avanga buai an tam tih sawiin, chhungkaw pangai tak leh kohhran thalaia inhmang tak tak te pawh an awm tih a sawi a. College zirlai te chu an zirlaia an hlawhtlin ngei theihna tur leh ram leh hnam tana mi hmantlak ni tur chuan ruihhlo laka an fihlim angai a ni, a ti.

CDRS te hian din anih atangin No 4 hawng 4, damdawia inhnamhnawih mi 43, Rak zu litre 125, Ganja fun 4, Khuh damdawi (Codeine) bur 2 leh Alprazola strip 4 an man tawh a. Damdawi an man ațangin Lirthei pahnih; Scooty pakhat leh Pick up pakhat an hrensak bawk.

Post a Comment

Powered by Blogger.