Rauthla Editorial, September 13, 2022 : Tunlaiin Lawngtlai khawpui chhungah rukruk a hluar hle a, Lawngtlai Police te pawhin rukru man tur an nei deuh reng.
Heng ruk chingte hian mimal dawr, mimal in te mai bakah sorkar bungrua te thlengin an ru a, kan Police chak tak te zarah rukruk chingte hi man chhuah zel an ni. Police ten thil sual ti tute an man chhuah zel lai hian mipuite pawh kan fimkhur a ngai khawp mai. A theih chin chinah kan lo inven ve a ngai. A theih hram chuan dawr leh a chhehvelah CCTV dah a, light tihen a tha viau bawk. Chutiang bawkin mimal in kawt te pawh hi tihen a tha hle. Thenkhat chuan kan kawt te hi kan ti eng duh lova, thim thamah misual an huangtau thin a, vanduaina kan tawk ta thin.
Veng tina YLA te pawh ruk ruk chungchanga mipui fimkhur tur leh ruk ruk ching te rikrapna thu te a khat tawka puanzar deuh reng hi a ngai a ni.
Sorkar pawhin kan police tha tihchak nan hmanrua tha zawkte, lirthei tam zawkte ruahman sak se, thawktu pawh hei aia tam deuh awm thei se a tha hle.
Post a Comment